Twiedehaans boekemaarkt
EvenementDE STELLINGWERVEN - De Stellingwarver Schrieversronte hoolt opruming in de boekeveurraod. Nog een staepeltien Stellingwarver boeken op de kop tikken om evenpies lekker te kunnen lezen in de aachtertuun? Zaoterdag 3 juni anstaonde vienen jow veur et gebouw van de Stellingwarver Schrieversronte in Berkoop een twiedehaans boekemaarkt.
Daor bin die boeken in volgodder opsteld en veur een schappelike pries te koop. D’r is veur elk wat wils. Struun bi’j de taofels vol mit boeken laanks en maek de verzaemeling van Stellingwarver boeken kompleet!
Historische twiedehaans boeken
Ok bin d’r aandere historische twiedehaans boeken te koop. Veur de pas verschenen ni’je boeken as bi’jgelieks “Grensland-Stellingwarf”, Veldnaemen van Stellingwarf deel 8(Berkoop), et jubileum-blaederboek van de SSR en “Luudklokken en klokkenstoelen Stellingwarf” is ok plak inruumd.
“De boekemaarkt is van 10.00 tot 15.00 uur bi’j de Stellingwarver Schrieversronte.”
Stellingwarver Schrieversronte
De boekemaarkt is van 10.00 tot 15.00 uur bi’j de Stellingwarver Schrieversronte an de Willinge Prinsstraote in Berkoop.
Bi’j slecht weer is de maarkt binnen in et gebouw!
