Ynspiraasje mei de PodKast fan Syb van der Ploeg en Steven de Jong.
Ynspiraasje mei de PodKast fan Syb van der Ploeg en Steven de Jong. Foto: Fransisca Vogelzang

Ynspiraasje mei de PodKast fan Syb van der Ploeg en Steven de Jong

Column

KOLUMN - De PodKast fan Syb van der Ploeg en Steven de Jong is tige ynspirearjend. Doch dyn ding en bliuw dat dwaan, sizze sy. Dat is moai om te hearen. Lit dy net troch koroana tsjinhâlde. It spilet in grutte rol yn it libben fan eltsenien spilet op dit stuit, it regear hat ús aardich yn de tang, mar dochs: bliuw dyn ding dwaan, gean dermei troch.

Bliuw dwaan wat by dy passet, nim eigen ferantwurdlikheid. Dat fine filmprodusint Steven de Jong en sjonger Syb van der Ploeg yn harren twadde PodKast. In Fryske Podcast, fansels! It duorret yn totaal in oere, mar nei tweintich minuten sit ik al fol mei ynspiraasje.

Gean dyn gong: it kin en it moat

Sy sizze tsjin elkoar: nim dyn eigen ferantwurdlikheid foar dyn libben, lit it net ôfhingje fan de oerheid. Al is dat ek tige lestich, want de oerheid prebearret alles te bepalen yn ús lân. Gean dêr dan marris tsjinyn as omhinne. Mar dochs, it kin en it moat. 

Syb is bygelyks wer drok oan it komponearje fan moaie lieten, hat yn syn nije hûs in lyts teater boud, organisearret fytstochten mei âlvestêdewinner Henk Angenent, Syb syn frou hat noch in baan, hy rêdt him wol yn dizze finansjeel lestige tiid foar poadiumartiesten.

Steven rêdt him ek wol. Sa’n authentyk persoan as hy is, dy fynt syn wei wol. Hat hy altyd al dien, want wa leaude deryn dat Frysktalige films makke wurde koene en jild opsmite koene? Júst, dat wie Steven, mear as tweintich jier lyn by de start fan syn karriëre.

Fan films meitsje oant plan foar Zalen Schaaf: wês kreatyf

Al makket hy ek Nederlânstalige films en searjes oer de Kameleon en Snuf de Hond, allinich mar fan it Frysk libje kin noch krekt net. It fertelle fan in moai ferhaal yn in moaie film, is syn ding. No wit ik tafallich fanút myn wurk as sjoernalist foar ûnder oaren Rondom Leeuwarden dat hy ien fan de trije gadingmakkers is foar in nije takomst foar Zalen Schaaf yn Ljouwert. 

Hy wol der mei in kompanjon wer wat moais fan meitsje. Steven is ûndernimmer en in echte ûndernimmer tinkt en sjocht yn kânsen. Yn Zalen Schaaf kinne films draaid wurde, mar ek oare gesellige en ynteressante aktiviteiten hâlden wurde en as it moat op oardel (koroana) meter ôfstân fansels. 

Dêrom set ik ditkear yn myn kolumn net myn eigen miening foarop, mar wol ik dy as lêzer ynspirearje mei Steven de Jong en Syb van der Ploeg. Doch as hun, doch as dizze Friezen. Bliuw sykjen nei kânsen, gean derfoar, doch dyn ding, oerlibje, fertrou net tefolle op de oerheid as rêder yn need mar fertrou op dysels en meitsje sels dyn dreamen wier. Meitsje der wat moais fan!

Check hjir de PodKast:

https://www.stevendejongfilms.nl/blog/podkast-minderwaardigheidscomplex/?fbclid=IwAR2uW7EKPT9VEmR6ZknYLbcVLt_X3_IncVl6VG5c89lsDgUBMTcBBDNrIQc

Groetnis,
Noflike dei,

Johan Vogelzang

Afbeelding
Duidelijkheid over beheer oevers langs Friese vaarwegen Natuur 6 uur geleden
Het afkoppelen van de regenpijp.
Week van de Groene Tuin helpt Friezen op weg om tuin te vergroenen Natuur 8 uur geleden
De leden van Agora Club Súd East Fryslân houden van 4 t/m 25 april een online veiling via hun Facebookpagina. De opbrengst is bestemd voor een beleeftafel voor Odensehuis Dirk Baron in Drachten.
Agora Club 14 houdt online veiling voor Odensehuis Dirk Baron Verhalen uit de buurt 11 uur geleden
Afbeelding
ALDI Drachten tijdelijk dicht voor verbouwing Verhalen uit de buurt 14 uur geleden
De zoontjes van Edson en Majelien op plek twee en drie.
Sportschool Idrissi met eerste plek naar huis Sport 18 uur geleden
Afbeelding
Campagne Doortrappen feestelijk van start Gezondheid 27 mrt, 20:00
Afbeelding
FryslânDOK: Prins Dokkum Cultuur 27 mrt, 18:00
Gerrit en Els willen nooit meer weg uit Heerenhage.
Op pad met camper, boot of motor, maar altijd komen Gerrit en Els weer thuis in Heerenhage Wonen 27 mrt, 12:00